TAG Reykjavík (hér eftir "TAG") er lasertag þjónusta í eigu Skothúsvegar ehf., kt. 661023-0580. TAG sér kaupanda fyrir öllum búnaði sem þarf til að halda lasertag og hefur umsjón með framkvæmd leikja.
Skilmálar þessir gilda um allar bókanir og þjónustu TAG. Með því að bóka hjá TAG samþykkir kaupandi skilmála þessa í heild sinni. Kaupandi ber fulla ábyrgð á því að allir þátttakendur undir lögaldri hafi leyfi til þátttöku.
Bókanir eru teknar í gegnum vefsíðu okkar og í gegnum tölvupóst á tag@tag.is. Bókun telst ekki staðfest fyrr en skrifleg staðfesting hefur borist frá okkur.
Við bókun þarf kaupandi að tilgreina fjölda þátttakenda, staðsetningu viðburðar og fyrirhugaða dagsetningu og tíma. Verðtilboð er sent á grundvelli þessara upplýsinga.
Staðfestingargjald: Við staðfestingu bókunar getur þurft að greiða staðfestingargjald að upphæð 25.000 kr. Þetta gjald er hluti af heildarverðinu og er ekki endurgreitt nema viðburðurinn falli niður af tilteknum ástæðum töldum í kafla um afbókanir og frestanir.
Heimild fyrir leikstað: Kaupandi ber fulla ábyrgð á því að hafa leyfi til að nota þann stað sem valinn er. TAG ber enga ábyrgð ef viðburður getur ekki farið fram vegna skorts á slíkri heimild. Í slíkum tilvikum gilda sömu reglur og við afbókun með stuttum fyrirvara - sjá kafla um afbókanir og frestanir.
Staðsetning: Fyrir staðsetningar á Höfuðborgarsvæðinu er ferðakostnaður TAG innifalinn í verðinu. Ef staðurinn er utan þess svæðis, eða er ekki aðgengilegur með fólksbifreið, þarf að ræða fyrirkomulag og verð sérstaklega áður en bókun er staðfest.
Greiðsla á heildarupphæð fer að jafnaði fram áður en viðburður hefst. Með sérstöku samkomulagi er þó hægt að semja um greiðslu að viðburði loknum. Reikningur er gefinn út að beiðni kaupanda í kjölfar greiðslu.
Greiðsla fyrir þjónustu TAG getur farið fram með einum af eftirfarandi leiðum:
TAG tekur ekki við reiðufé nema um það hafi sérstaklega verið samið fyrir fram.
TAG leggur áherslu á sveigjanleika og reynir alltaf að finna bestu lausnina í samráði við kaupanda.
Afbókun af hálfu kaupanda:
Óski kaupandi eftir, með meira en þriggja daga fyrirvara, að færa viðburð á annan tíma er það gert að kostnaðarlausu, henti tíminn báðum aðilum. Afbókanir og færslubeiðnir skulu sendar skriflegar á tag@tag.is.
Veður og aðstæður
Starfsmaður TAG á staðnum tekur endanlega ákvörðun um hvort aðstæður á staðnum koma í veg fyrir örugga spilun. Þ.m.t. vegna mikillar rigningar, óveðurs, hálku eða annara kringumstæða sem geta skemmt búnað eða sett þátttakendur í hættu. Öryggi þátttakenda og búnaðar er alltaf í fyrirrúmi.
Ef starfsmaður TAG ákvarðar að aðstæður leyfa ekki framkvæmd viðburðar verður ákvörðun um framhaldið tekin í samráði við kaupanda. Eftirfarandi kostir bjóðast kaupanda í samráði við TAG:
Tæknileg vandamál eða óviðráðanlegar aðstæður
Í undantekningartilvikum getur tæknileg bilun eða önnur óviðráðanleg atvik stytt viðburð, aflýst viðburði, eða komið í veg fyrir góða upplifun þátttakenda. TAG leggur upp úr að viðburðir uppfylli sem best væntingar þátttakenda og vinnur því með kaupanda að farsælli málalausn ef vandamál koma upp að hverju sinni.
TAG mætir á staðinn með allan lasertag búnað, sér um að kynna búnað og reglur fyrir leikmönnum og sér um framkvæmd leikjanna. Uppsetning tekur um 30 mínútur og er ekki hluti af bókuðum leiktíma.
Ef svæðið þarf sérstakan undirbúning, til dæmis færslu á hindrunum eða skipulagningu á svæði þarf kaupandi að sjá til þess áður en viðburður hefst, eða gera ráð fyrir slíku í samráði við TAG við bókun.
Við mælum með að allir þátttakendur séu mættir og tilbúnir fyrir settan byrjunartíma. Ef þátttakendur mæta seint getur það dregið úr leiktíma hópsins þar sem viðburði lýkur almennt á þeim tíma sem upphaflega var samið um í bókun.
Þátttakendur taka þátt í leikjum TAG á eigin ábyrgð. Er það á ábyrgð þátttakenda að þekkja eigin líkamleg mörk og að haga hreyfingum og álagi að hverju sinni í takti við aðstæður. Þjónusta TAG getur í eðli sínu falið í sér slysahættu, sérstaklega þegar leikur fer fram utandyra, á ójöfnu undirlagi, í frosti, vindi eða við aðrar varasamar aðstæður. Kaupandi gerir sér grein fyrir þessu og samþykkir að TAG beri ekki ábyrgð á líkamlegum meiðslum sem kunna að verða vegna þátttöku. Jafnframt ber kaupanda skylda til að upplýsa þátttakendur um hættur sem gætu leynst á eða við svæðið og jafnframt að upplýsa um umgengisreglur sem gætu átt við.
Fatnaður: Þátttakendur bera ábyrgð á því að mæta í viðeigandi fatnaði og skóm sem taka mið af staðsetningu og aðstæðum að hverju sinni. Ef leikurinn fer fram á sleipum, ójöfnum eða á útisvæðum eru gripmiklir skór nauðsynlegir.
Persónulegir munir: TAG ber enga ábyrgð á persónulegum munum þátttakenda sem glatast, skemmast eða er stolið á eða við viðburðinn.
Búnaður TAG: Þátttakendur bera ábyrgð á búnaði TAG meðan á leik stendur. Tjón á búnaði vegna vanrækslu eða misnotkunar getur leitt til kostnaðar til kaupanda.
Starfsmaður á staðnum: Starfsmaður TAG á staðnum hefur heimild til að stöðva leik eða vísa þátttakendum frá ef öryggi er ógnað, fyrirmælum er ekki fylgt, aðstæður eru óöruggar eða þátttakendur eru undir áhrifum áfengis eða vímuefna. Slík ákvörðun getur verið gerð án endurgreiðslu.
Þátttakendur skulu fara vel með búnað TAG. Ekki má henda honum, valda skaða eða meðhöndla á annan hátt en kveðið er á um í umgengnisreglum.
Byssum skal halda með báðum höndum og þátttakendur skulu ekki leggja þær frá sér þar sem hætta er á að þær týnist, blotni eða verði fyrir tjóni.
Til að leikir gangi vel fyrir sig og búnaður týnist ekki eða verði fyrir skemmdum, skulu keppendur ekki skilja eftir byssur, skynjaravesti og/eða höfuðbönd TAG nema við tilætlaðan söfnunarstað.
Þátttakendur skulu ekki nota aukahluti TAG, svo sem handsprengjur, rafarmbönd, skífur, fána, skothólk, talstöðvar eða aðrar eignir TAG án leyfis starfsmanns. Ávallt skal fylgja leiðbeiningum starfsmanna við notkun aukahluta og getur tjón sem hlýst af brotum á þeirri reglu verið bótaskylt af kaupanda.
Ef viðburðurinn fer fram á opinberum svæðum eða í náttúru bera þátttakendur ábyrgð á því að skilja ekki eftir flöskur, umbúðir eða annað rusl eftir á staðnum.
Þátttakendur skulu sýna öðrum á opinberum svæðum kurteisi og ekki valda óþarfa ónæði. Brjóti þátttakendur í bága við umgengnisreglur áskilur TAG sér rétt til að stöðva viðburð án endurgreiðslu.
Kvartanir eða ósk um endurgreiðslu skal senda á tag@tag.is innan einnar viku frá því að viðburður lýkur. TAG leggur áherslu á að leysa ágreining á sem farsælastan hátt að hverju sinni. Allar aðrar ábendingar eru einnig vel metnar.
TAG meðhöndlar persónuupplýsingar í samræmi við íslenska löggjöf og GDPR-reglugerð Evrópusambandsins. Sjá nánar í friðhelgisstefnu okkar.
TAG áskilur sér rétt til að uppfæra þessa skilmála hvenær sem er. Birting á vefsíðu telst fullnægjandi tilkynning.
Rísi ágreiningur milli aðila um efni þessara skilmála er hægt að bera málið upp við Kærunefnd vöru- og þjónustukaupa. Að öðrum kosti má reka mál fyrir Héraðsdómi Reykjavíkur samkvæmt ákvæðum laga nr. 91/1991.
Spurningar vegna bókana eða skilmála skal senda á tag@tag.is.